Ospitals duain pudair - temporarmain – metter a quint tariffas pli autas per lur prestaziuns medicinalas. Quai per limitar lur perditas pervi da la pandemia da corona. Questa proposta vegn dal directur da sanadad dal chantun da Berna, Pierre Alain Schnegg, rapporta la gasetta «Der Bund».
Uschia vegnian ils ospitals indemnisads, tranter auter per lur custs supplementars, ch’els hajan pervi da l’igiena. Era l’uniun d’ospitals H+ ha gia dumandà supplements per cumpensar las perditas chaschunadas da corona.
Per evitar che las premias da las cassas da malsauns, duajan las cassas da malsauns schliar ina part da lur reservas, uschia Schnegg vinavant. Las cassas possedian reservas da pliras milliardas francs.