Siglir tar il cuntegn

Header

cuntegn

Persunal da tgira Cumissiun conceda dapli daners per la tgira

La cumissiun da sanadad dal Cussegl dals chantuns vul dar radund 100 milliuns francs supplementarmain per la furmaziun dal persunal da tgira. Anc il favrer ha ella vulì savair nagut da contribuziuns individualas per promover la furmaziun da la tgira en connex cun la cuntraproposta a l'iniziativa da tgira. Tenor ils servetschs parlamentars è la cumissiun uss revegnida a questa decisiun.

Entras la vusch da tagl dal president è la cumissiun s’exprimida persuenter, ch’ils chantuns duain survegnir daners da la Confederaziun sch’els sustegnan persunas da tgira durant la furmaziun. En total duain radund 400 milliuns francs vegnir mess a disposiziun per ils proxims otg onns. Il Cussegl naziunal vul dar persuenter 469 milliuns francs.

Il Cussegl dals chantuns tracta la fatschenta en la sessiun da stad.

RTR novitads 14:00

Artitgels legids il pli savens

Scrollar a sanestra Scrollar a dretga