Tgirunzas e tgirunzs en Svizra vulan dapli paja, meglras cundiziuns da lavur e dapli sforzs per la furmaziun. Els hajan avunda da pleds vids, lur pazienza saja a fin, scriva la Federaziun professiunala da las tgirunzas e dals tgirunzs en ina brev'averta al parlament a Berna. La crisa da corona mussia flaivlezzas gravantas en il sistem da sanadad.
La mancanza da material da protecziun saja in scandal. Il schluccar las reglas davart ils temps da lavur e da ruaus saja inacceptabel e la dependenza da persunal da tgira da l'exteriur saja privlusa. La crisa actuala mussia quant relevanta per il sistem che la tgira saja.
Il parlament discuta actualmain l'iniziativa «Per in sectur da tgira ferm» da la federaziun professiunala.
Ord l'archiv:
video
Scappan las tgirunzas?
Or da Nouvo RTR dals 09.06.2017.
laschar ir. Durada: 1 minuta 3 Secundas.
