Siglir tar il cuntegn

Header

video
Kuster: «Emprim mortori dad in uffant pervia da corona»
Or da News-Clip dals 29.05.2020.
laschar ir
cuntegn

Pervi da Covid-19 Emprim mortori dad in uffant en Svizra

Per l'emprima giada è mort in uffant en consequenza d'in'infecziun dal coronavirus. Quai ha ditg Stefan Kuster, il manader da la partiziun malsognas transmissiblas dal BAG, avant las medias en Chasa federala.

L'uffant pitschen dal chantun Argovia saja s'infectà en l'exteriur. Il cas vegnia dentant anc sclerì, ha annunzià Kuster. Ulteriuras infurmaziuns n'ha el betg communitgà. En total hai dà oz 32 infecziuns novas cun il coronavirus. La gievgia 20, la mesemna ed il mardi mintgamai 15 cas.

Quai è il pli aut dumber dapi in'emna. Stefan Kuster, il nov manader da la partiziun malsognas transmissiblas dal BAG ha perquai appellà da sa tegnair vid las reglas da protecziun. La situaziun epidemiologica saja en il mument stabila. Las infecziuns dad oz duain dentant far endament a la populaziun che «l'istorgia cun il coronavirus» na saja anc betg a la fin.

70 persunas en quarantina

Plinavant è vegnì enconuschent, che dus uffants a Basilea-Citad èn s'infectads cun il coronavirus. Ord quest motiv han bunamain 70 persunas stuì ir en quarantina. La gievgia hai dà bunamain 5'000 tests en Svizra. Ins veglia chattar mintga cas ed identifitgar sco er interrumper mintga chadaina d'infecziun.

RTR novitads 15:00

Artitgels legids il pli savens

Ir a sanester Ir a dretg