Perquai che dapli pazientas e pazients vegnan en la clinica pervi da la segunda unda da la pandemia da corona drova l'ospital universitar da Genevra urgentamain persunal supplementar.
Dumengia ha l'ospital universitar drizzà in appel ad anteriuras collavuraturas e collavuraturs en pensiun sco er a tals en congedi nunpajà. Vitiers tschertga la clinica er voluntaris per incumbensas medicinalas, da tgira u administrativas. I saja fitg probabel ch'i vegnia surpassà ils proxims dis il pli aut dumber da pazients da Covid-19 da la primavaira.
Probabel vegnia la quota maximala da 550 pazients da Covid-19 da primavaira a vegnir surpassada ils proxims dis. Tenor il directur da l'ospital Bertrand Levrat partan els dal fatg, ch'il dumber da letgs e dumber da persunas qualifitgads ch'èn responsabels per il pazients da Covid-19 vegn ad esser bler pli aut che la primavaira.
