Radund 13% da tut ils pievels d'avieuls en Svizra n'han betg survivì l'enviern.
La perdita resta cunquai il terz onn en seria sin in nivel bass. Quai resulta da la retschertga da l'uniun tetgala dals apiculturs svizzers, Apisuisse. Dumandà èn vegnids 1'400 apiculturas ed apiculturs da la Svizra che tgiran 2'174 stans d'avieuls cun 23'075 pievels d'avieuls.
La stagiun d'avieuls da l'onn passà è però stada marcada d'ina racolta da mel bassa da record. En media ha mintga pievel producì passa 10 kilos mel damain. Quai surtut pervia da la primavaira fraida e bletscha suandada d'ina stad chauda e sitga.