Siglir tar il cuntegn

Header

Nach Tod von Vizekanzler und Bundesratssprecher André Simonazzi übernimmt Ursula Eggenberger vorübergehend Funktionen.
Legenda: Ursula Eggenberger è ad interim la nova pledadra dal Cussegl federal e vicechanceliera. Keystone
cuntegn

Pledadra dal Cussegl federal Ursula Eggenberger daventa vicechanceliera ad interim

Ursula Eggenberger è ad interim la nova pledadra dal Cussegl federal e vicechanceliera. Suenter la mort andetga dal vicechancelier André Simonazzi surpiglia Eggenberger questa funcziun temporarmain. Eggenberger è da l'annada 1962, ina spezialista da communicaziun e maina dapi il 2011 la secziun communicaziun da la Chanzlia federala. Ella cumenza ses post per immediat.

La plazza da Simonazzi duaia bainprest vegnir publitgada, ha decidì il Cussegl federal. Il nov vicechancelier u la nova vicechanceliera duai entrar en uffizi prevesiblamain en la segunda mesadad da l'onn.

Il pledader dal Cussegl federal e vicechancelier André Simonazzi è mort venderdi passà sin ina gita en la muntogna. André Simonazzi aveva 55 onns. Simonazzi è vegnì nominà il november 2008 sco vicechancelier e pledader dal Cussegl federal. Dapi il prim da schaner 2009 ha el prendì part a las sesidas da la regenza svizra, ha fatg il protocol e fatg la communicaziun.

RTR novitads 14:00

Artitgels legids il pli savens