Tgi che lascha tgirar uffants d’ordaifer la famiglia duai en il futur pudair trair giu dapli daners da la taglia. Enstagl da 10’100 francs ad onn duai il dumber crescher sin 25’000 francs. Il Cussegl naziunal ed il Cussegl dals chantuns èn sa cunvegnids davart la midada. Entras quella duai la cumpatibilitad da professiun e famiglia vegnir megliurada.
La Confederaziun spetga cun damain entradas da taglia da 10 milliuns francs ad onn. Igl è gia la segunda emprova per augmentar la deducziun da taglia tar la tgira d’uffants. L’emprima aveva il suveran refusà il settember 2020.
Là aveva il parlament aschuntà ina midada tar la deducziun generala per uffants da 6'500 sin 10'000 francs. Quai saja tenor observaturs stà il motiv daco ch'il suveran haja refusà l'emprima emprova.
Ord l'Archiv
Tge pon ins trair giu? Declarà en connex cun la votaziun da 2020.
