La Chanzlia federala ha publitgà la nova fotografia dal Cussegl federal. Il maletg mussa magistrats e magistratas en resti stgir ed il chancelier federal cun tschera seriusa. Sin la maisa da sesida èn in cumpass, ina carta da la Svizra e la Constituziun federala. Quai mussa, che la Confederaziun festivescha l'onn che vegn ch'i dat la constituziun dapi 175 onns.
Plinavant mussa il maletg fegls alvs che sgolan enturn. Sin quels è scrit ina poesia da l'autur romand Charles-Ferdinand Ramuz. Ils fegls demussan tenor la chanzlia descret il chaos e las tensiuns sin l'entir mund, ch'èn pli preschents oz che pli baud.
En temps da malsegirezza e crisas duai la fotografia transmetter segirtad e tuttina restar moderà. Tenor il president da la Confederaziun 2023, Alain Berset, duai il maletg era mussar, ch'il Cussegl federal è in'unitad che cooperescha era sch'ils commembers han differents puncts da vista.