En il chantun Tessin hai sonda saira dà inundaziuns. Cunzunt pertutgada saja stada la regiun tranter Locarno e Bellinzona. I haja dà inundaziuns e sbuvaditschs. Vias sajan vegnidas serradas e persunas evacuadas. Quai ha communitgà la Polizia chantunala dal Tessin.
Urizis e plievgia intensiva
En questa regiun haja dà ferms urizis e plievgia intensiva. Uschia hajan ins mesirà a Locarno 110 millimeters ed a Bellinzona stgars 100 millimeters plievgia entaifer 24 uras. Tenor SRF Meteo n'hai dentant betg pluvì en l'entir Tessin uschè bler. Uschia hajan ins mesirà a Stabio, en il sid dal chantun, be 0,1 millimeters plievgia.
Ord l'archiv
video
Bilantscha dals donns da malaura la stad 2021
Or da Tagesschau dals 01.08.2021.
laschar ir. Durada: 2 minutas 42 Secundas.
