Siglir tar il cuntegn

Header

In aviun da cumbat dal tip F-35a en l'aria.
Legenda: Tenor l'emissiun Rundschau da SRF vul la Confederaziun cumprar l'aviun da cumbat dal tip F-35a. Reuters
cuntegn

Pliras funtaunas tradeschan Amherd veglia cumprar il F-35

La Svizra cumpria probabel il jet da cumbat F-35 dal constructur american Lockheed Martin. En scadin cas haja quel fatg cun distanza la meglra impressiun en la procedura d'evaluaziun dal Departament federal da defensiun, protecziun da la populaziun e sport VBS. Quai han plirs insiders ditg envers l'emissiun Rundschau da SRF.

Trais funtaunas independentas ina da l'autra hajan confermà che l'F-35 saja tant finanzialmain sco er tecnicamain megliers che la concurrenza, il F/A-18 Super Hornet, l'Eurofighter ed il Rafale. Viola Amherd n'haja strusch in'autra opziun che da proponer al Cussegl federal il F-35.

Il VBS n'ha dentant betg prendì posiziun en chaussa e renvià al caracter confidenzial da fatschentas dal Cussegl federal.

Ord l'archiv:

Avant la votaziun davart ils novs aviuns ha RTR mussà la discussiun davart il tema – quai cun la cussegliera naziunala Sandra Locher Benguerel e cun il cusseglier naziunal Martin Candinas.

video
Dovri novs aviuns da cumbat?
Or da Controvers dals 12.06.2020.
laschar ir

RTR novitads 20:00

Artitgels legids il pli savens

Scrollar a sanestra Scrollar a dretga