Siglir tar il cuntegn

Header

video
Ackermann: «Aifer otg emnas pudessan nus terminar l'epidemia»
Or da News-Clip dals 03.08.2021.
laschar ir
cuntegn

Point de presse Ackermann: «Cun vaccinar pudess l'epidemia esser a fin en 2 mais»

Anc ina giada appellescha la taskforce da la Confederaziun a la populaziun da sa laschar vaccinar. Sa laschassan tuttas e tuts dar la sprizza, fiss l'epidemia en Svizra a fin aifer dus mais.

La taskforce scientifica da la Confederaziun appellescha da sa laschar vaccinar. Martin Ackermann, il president da la taskforce ha accentuà a l'inscunter da medias ch'il virus na vegnia betg a svanir, ma l'epidemia cun las undas en Svizra bain.

Pertge insacura vegnan ils blers da nus ad esser immun cunter SARS-CoV-2. Avert è sulet, sche quai capita tras ina vaccinaziun u tras ina infecziun. Nus avessan la pussaivladad da far fin a l'epidemia en Svizra aifer radund otg emnas, sche tuts sa laschassan vaccinar.
Autur: Martin Ackermann president da la taskforce scientifica

Dapli persunas che sajan vaccinadas e pli pitschna che l'unda vegnia l'atun. Dentant na sajan actualmain trais milliuns persunas betg vaccinadas. Sche tut quellas vegnian infectadas cun il virus possia quai puspè dar stretgas en il sistem da sanadad.

Appel a quels che turnan da las vacanzas

Ultra da quai appellescha l’Uffizi federal da sanadad BAG a persunas che turnan da las vacanzas e n'èn betg vaccinadas da sa laschar testar sin il coronavirus. Cun ina campagna fa il BAG attent sin ils tests, sch’ins turnia da l’exteriur.

RTR novitads 17:00

Artitgels legids il pli savens

Scrollar a sanestra Scrollar a dretga