Siglir tar il cuntegn

Header

cuntegn

Politica da sancziuns Cassis vesa la Svizra sco in dals megliers pajais

Il president da la Confederaziun, Ignazio Cassis, è cuntent cun las autoritads svizras e co quellas hajan realisà las sancziuns encunter la Russia. La Svizra na saja betg be sin curs, ella tutgia tar in dals megliers pajais, ha el ditg en la Samstagsrundschau da SRF.

Tar contacts inernaziunals n'haja el strusch survegnì critica. Quella vegnia per il pli da l'intern dal pajais. Il president da la Confederaziun ha accentuà ch'ins na possia betg midar las structuras politicas da la Svizra per realisar las mesiras en connex cun l'Ucraina. Ch'i saja d'includer er ils chantuns, saja premissa e la Confederaziun na possia betg simplamain prender davent a lez las cumpetenzas. Plinavant sajan ins en stretg contact cun ils Stadis Unids e la taskforce da l'Uniun europeica, per meglierar la realisaziun da las sancziuns, ha ditg Cassis.

Cassis ha er renvià critica envers la rolla dal Secretariat da stadi per economia Seco. Quel fetschia buna lavur. La dumengia passada aveva l'expert per dretg penal e corrupziun, Mark Pieth crititgà en la NZZ am Sonntag la rolla dal Seco. Exnum in'autoritad che saja uschiglio responsabla per promover l'economia, tranter auter cun la Russia, saja uss responsabla per controllar las sancziuns. Er politichers e politicras avevan pretendì in agir pli activ dal Seco. Quel sa laschia memia fitg sin l'obligaziun d'annunzia, per exempel per bancas.

Sch'ins midia uss las cumpetenzas, dettia sulet novs plazzals organisatorics, ha Cassis renvià en il discurs cun SRF. Sco tar mintga crisa, vegnian ins dentant ad evaluar la situaziun e prender mesiras sch'i dovria.

audio
Bundespräsident Cassis ringt um Ukraine-Kurs
aus Samstagsrundschau vom 16.04.2022.
abspielen. Laufzeit 30 minutas 13 Sekunden.

RTR novitads 14:00

Artitgels legids il pli savens

Scrollar a sanestra Scrollar a dretga