Siglir tar il cuntegn

Header

In giuven cun la chamischa blaua da servetsch civil che gida da chaminar ad ina dunna pli veglia ed ina sutga da rodas.
Legenda: La Cumissiun per la politica da segirezza vul obstachels pli severs per che giuvenils possian far servetsch civil empè da servetsch militar. Keystone
cuntegn

Politica da segirezza Dapli obstachels per far servetsch civil

Las lubientschas per pudair prestar servetsch civil duain vegnir restrenschidas. La Cumissiun per la politica da segirezza dal Cussegl naziunal è d'accord cun las propostas dal Cussegl federal. Ins stoppia cuntrafar a la tendenza che glieud senza conflicts da conscienzia midia en il servetsch civil.

Ina minoritad vul dentant renviar la fatschenta. Sch'ins fetschia main attractiv il servetsch civil, na daventia il servetsch militar anc betg pli attractiv. I saja lura da supponer che puspè dapli persunas obligadas al servetsch militar tschertgian l'uschenumnada via blaua, pia ina relaschada dal militar cun arguments medicinals.

Il Cussegl naziunal vegn a tractar la fatschenta en la sessiun d'enviern. Suenter las midadas da las forzas en la Chombra gronda, na vegnan las decisiuns ad esser damain cleras ch'en la cumissiun. Quella era s'exprimida cun 16 cunter 8 vuschs per la revisiun da la lescha.

Ord l'archiv:

Gia il zercladur da l'onn passà aveva il Cussegl federal communitgà ch'el veglia engrevgiar a giuvenils da far servetsch civil empè da servetsch militar.

Video
Cussegl federal vul obstachels pli severs per servetsch civil
Or da Tagesschau dals 20.06.2018.
laschar ir

RR novitads 15:00