Ils Giuvens socialists svizzers ston tschertgar in nov president u ina nova presidenta. Nicola Siegrist sa retira sin il zercladur, ha l'um da 27 onns communitgà a la fin da la radunanza annuala da dus dis a Bümpliz en il chantun Berna. Siegrist è dapi tschintg onns en la direcziun da la Juso Svizra, trais da quels sco vice-president e dapi in onn e mez sco president. I saja temp da far plaz ad ina autra generaziun scriva il president actual en ina communicaziun.
Tgi che daventa nov president u nova presidenta decidan ils delegads e las delegadas da la Juso Svizra ils 29 da zercladur.