Il post da conjunctura KOF ha publitgà l'indicatur da conjunctura per l'emprim quartal 2023. Quel mussa che la situaziun sin il martgà da lavur è buna. Tenor il KOF vesi or suenter ina creschientscha d'occupaziun en l'economia.
L'indicatur ha gì in curt sbassament la fin dal 2022, ha dentant inditgà per il rest dal 2022 ina buna situaziun. Quella tendenza cuntinuescha uss puspè, tenor il KOF. Per eruir la situaziun fa il KOF in'enquista tar radund 4'500 interpresas en Svizra.
Cunzunt interpresas en il commerzi a l'engrossa ed assicuranzas èn prontas da stgaffir novas plazzas. En la restauraziun resta il basegn per persunal grond. Ed era l'industria stgaffescha puspè dapli plazzas, suenter ina curta sfundrada la fin dal 2022. Mo las bancas ed ils servetschs ulteriurs mussan ina leva sminuziun da lur indicatur d'occupaziun.
