Siglir tar il cuntegn
cuntegn

Svizra PPS ha lantschà la campagna per l'iniziativa d'autodeterminaziun

La PPS è da l'avis che questa iniziativa rinforzia la democrazia directa. Ella garanteschia ch’il pievel haja l’ultim pled.

Preschentaziuns als arguments da la PPS per l'iniziativa d'autodeterminaziun.
Legenda: Il president da la Partida populara svizra, Albert Rösti, ha preschentà ils arguments per l'iniziativa. Keystone

La Partida populara svizra ha lantschà il mardi a Berna sia campagna da votaziun per l’iniziativa d’autodeterminaziun. La PPS vul cuntanscher che iniziativas dal pievel stoppian vegnir realisadas pled per pled – quai er sch’ellas violeschan cun quai il dretg internaziunal. Il dretg svizzer stess uschia sur il dretg internaziunal.
Ils 25 da november decida il suveran en chaussa.

RR novitads 14:00