Siglir tar il cuntegn

Header

Lukas Bärfuss.
Legenda: Gia il fanadur è vegnì enconuschent che Lukas Bärfuss obtegn quest premi, sia emprima reacziun: «Da star en questa retscha è absolut commovent e fa impressiun a mai». Keystone
cuntegn

Premi Georg Büchner Gronda onur per il scriptur svizzer Lukas Bärfuss

Il scriptur svizzer Lukas Bärfuss ha survegnì il renumà premi Georg Büchner 2019. La surdada dal premi è stada a Darmstadt en la Germania. L’Academia tudestga per lingua e poesia aveva annunzià gia il fanadur che Bärfuss è il victur dal premi Georg Büchner.

Suenter Max Frisch, Friedrich Dürrenmatt e Adolf Muschg è Lukas Bärfuss il quart Svizzer che vegn onurà cun quest premi.

Il premi da renum è dotà cun 50'000 euros e vala sco la distincziun litterara la pli impurtanta en territori da lingua tudestga.

Lukas Bärfuss

Lukas Bärfuss è naschì a Thun en il chantun Berna. L'um da 47 onns sa fatschenta dapi 21 onns cun litteratura. Sia fascinaziun è sa sviluppà per schabetg. Suenter 9 onns ha el numnadamain bandunà la scola primara ed è silsuenter ì a lavurar sco orticultur, tschentafier e pur da tubac. In temp ha el numnadamain er lavurà en ina libraria, nua ch'el è vegnì en contact cun litteratura. Da là ha el legì bler ed ha entschet da scriver sez. Entaifer 21 onns ha el lura scrit blers romans, tocs da teater ed essays.

Ord l'archiv

RTR novitads 17:00