- La cassa da malsauns custa l'auter onn 3% dapli.
- L'augment è però per l'emprima giada dapi onns pli bass che quintà.
- Cunzunt ils giuvens pon sa legrar il 2019.
Ils custs da sanadad s'augmentan actualmain pli pauc ch'ulteriurs onns, numnadamain per 1,7%. Perquai na s'augmentian er las premias betg uschè fitg sco auters onns. Quai constatescha Verena Nold, la directura da l'associaziun da las cassas da malsauns «Santésuisse».
I na saja dentant betg uschia ch'ils ospitals sajan vegnids pli bunmartgads. Ils custs sajan plitost vegnids transferids. Las cassas da malsauns hajan pajà pli pauc, persuenter ils chantuns dapli. Perquai relativescha Nold er l'augment da las premias pli pitschen. Dumandada saja uss la politica. Santésuisse giavischa per exempel pretschs pli bass per medicaments.
Rabats per giuvens
A partir da l'auter onn dastgan las cassas da malsauns dar rabats a persunas tranter 19 e 25 onns en scolaziun. Tenor Nold muntia quai cunzunt per famiglias cun giuvens creschids in levgiament. Quant grond che quest levgiament vegnia ad esser, n'è dentant anc betg cler.
RR novitads 06:00
