Il president da la FIFA Gianni Infantino ha tenor la «SonntagsZeitung» midà ses domicil en il chantun Zug. La gasetta schazegia ch'el po, cun avair bandunà ses anteriur domicil en il chantun Turitg, spargnar la mesadad da la taglia. La FIFA ha confirmà la midada envers la «Sonntagszeitung».
Il domicil dad Infantino è adina puspè stà in tema. Il cumenzament da l’onn aveva il «SonntagsBlick» rapportà che Infantino e sia famiglia hajan fatg midada en il Qatar. Tenor il «SonntagsBlick» ha Infantino er laschà scolar en sias figlias en il Qatar, il lieu d'occurenza dal campiunadi mundial da ballape, organisà da la FIFA. Infantino aveva sin quai precisà ch’i va per in segund domicil.
audio
Per tadlar: las novitads da las 10:00
ord RTR Audio dals 27.11.2022.
laschar ir. Durada: 3 minutas 46 Secundas.
