Il pli aut represchentant dals chantuns beneventa ch’il Cussegl federal preschenta perspectivas cun ses plan da schluccadas. Cusseglier guvernativ Christian Rathgeb ch’è il president da la Conferenza da las regenzas chantunalas ha ditg en la «Samstagsrundschau» da SRF ch’i saja impurtant da savair cura ch’il Cussegl federal veglia far il proxim pass, per exempel era cura che ustarias possian avrir dadens. El vesa il plan positiv, i saja in plan transparent che fetschia senn. Er positiv saja che la populaziun sustegnia il plan e sa tegnia vid las mesiras. Rathgeb è da l'avis ch'ils chantuns sustegnian il plan da la Confederaziun.
La mesemna ha il Cussegl federal , tranter auter proponì che las ustarias pon avrir la fin matg er dadens e che l’obligaziun da far homeoffice vegnia schluccada. Decider definitivamain davart il plan fa il Cussegl federal ils 26 da matg, pir suenter la fasa da consultaziun.
Ord l'archiv
Ils plans dal Cussegl federal van en consultaziun.
