Swissgrid sbassa ils custs da 92 francs quest onn, sin 77 francs l'onn che vegn. Quest respargn da 15 francs vala per chasadas cun in consum annual da 4’500 uras kilowatt – quai correspunda circa ad ina chasada cun quatter persunas. E per ina firma che dovra annualmain 90’000 uras kilowatt, resulta tenor Swissgrid in respargn da 300 francs ad onn.
Stabil restan percunter las tariffas per l’utilisaziun da la rait. Quellas dovra Swissgrid per finanziar ses duairs principals – la renovaziun, l’extensiun ed il mantegniment da la rait, ed il manaschi e la surveglianza or da las centralas.
Reservas main charas
Da medem temp pudessan era ir enavos ils custs per las reservas d'electricitad da la Confederaziun, per 43 francs per chasada da model. La raschun sajan ils custs spetgads cleramain pli bass per la reserva da la forza idraulica, scriva Swissgrid. Ils custs per las reservas d’electricitad da la Confederaziun ston las consumentas ed ils consuments pajar dapi il 2024.
La stad 2021 ha il Telesguard rapportà:
