Il pretsch per il current electric crescha il 2024 massivamain. Sper ils custs supplementars per la prestaziuns regularas metta il gestiunari da la rait Swissgrid per l'emprima giada a quint las reservas da l'enviern da la Confederaziun. Quai èn tranter auter las ovras idraulicas e quellas da reserva. Sco Swissgrid ha communitgà ston chasadas medias (cun in consum annual da 4'500 uras kilowatt) pajar il 2024 tariffas da total 146 francs. Il 2023 eran quai anc 70 francs.
Swissgrid declera la muntada dals pretschs cun la tariffa da las prestaziuns da servetsch liadas al sistem, pia prestaziuns necessarias per garantir il provediment d'electricitad e per modernisar la rait. La tariffa creschia da 0,46 raps per kWh per quest onn sin 0,75 raps per kWh il 2024. Per ina chasada media muntan quai 92 francs.
La reserva d'energia vegn quintada giu via Swissgrid, sco la Confederaziun ha decidì. Questa tariffa è tar 1,20 raps per kWh. Per ina chasada media (cun in consum annual da 4'500 uras kilowatt) munta quai 54 francs dapli.
