Siglir tar il cuntegn

Header

cuntegn

Pretschs d'energia Svizzers pajan dapli per ieli e gas quest enviern

Ils auts pretschs d'energia vegnan er las Svizras ed ils Svizzers a percorscher quest enviern tar il stgaudar. Almain l'ieli ed il gas èn vegnids marcantamain pli chars. Ils motivs èn differents.

En Svizra vegnan anc adina dus terzs dals bajetgs stgaudads cun energias fossilas, pia ieli ni gas. Tar bajetgs novs datti plaunsieu in trend a l'energia regenerabla. Ils blers possessurs da chasas stgaudan dentant anc cun energias fossilas - concret vegnan bunamain in mez milliun chasadas stgaudadas cun ieli. Il pretsch per l'ieli è dentant creschì fitg l'ultim temp. In tanc d'ieli cun 3'000 liters per exempel, ha cun 3'000 francs per part custà passa la mesadad dapli che l'onn avant. Quai rapporta l'agentura da novitads Keystone-SDA, sin basa dal portal «Heizöl24.ch».

Differents facturs giogan ina rolla

Per l'augment dals pretschs èn tenor ils experts plirs facturs responsabels. In è tranter auter la crisa da corona, cun il schlantsch da la conjunctura suenter il lockdown è er la dumonda d'energia creschida andetgamain. Tar il gas è la situaziun tuttina: Sin ils martgads gronds è il pretsch per gas creschì fermamain. Er qua gioga la conjunctura in gronda rolla. Dentant er l'enviern passà, nua ch'igl è stà fitg fraid, ha strapazzà las capacitads en l'Europa.

Dals auts pretschs è cunzunt er la Svizra pertutgada: Il pajais na producescha sez nagin gas – l'entir basegn sto vegnir importà. Il gas vegn per radund 60% or da l'Uniun Europeica e la Norvegia – radund in terz vegn or da la Russia ed il rest dad autras regiuns.

Ord l'archiv

Tips e trics per spargna tar ils custs da stgaudar:

audio
Co spargnar custs d'energia
ord Co e cum dals 23.11.2021.
laschar ir. Durada: 4 minutas 23 Secundas.

RTR novitads 12:00

Artitgels legids il pli savens

Scrollar a sanestra Scrollar a dretga