Siglir tar il cuntegn

Header

biro da viadis.
Legenda: Tranter auter èn ils pretschs per viadis pauschals sa sbassads. Keystone
cuntegn

Pretschs da consum L'inflaziun è er il december negativa

Viver en Svizra è vegnì pli bunmartgà l'onn passà. Quai almain en vista als pretschs da consum. Uschia è il nivel dals pretschs aifer in onn sa reducì per 0,8%.

L’inflaziun en Svizra è vinavant cleramain negativa. Il december èn ils pretschs da consum surprendentamain sa reducids levet – cumpareglià cun il mais avant. Concret è l’index naziunal dals pretschs da consum sa reduci per 0,1 sin 100,9 puncts. Quai ha communitgà l’Uffizi federal da statistica.

L’uffizi numna plirs facturs per quest svilup: Tranter auter sajan viadis pauschals en l’exteriur vegnids pli bunmartgads. Er ils pretschs da medicaments sajan sa reducids. Percunter sajan ils pretschs per ieli da stgaudar e cherosin s’augmentads. La chareschia en Svizra hajan muntà l’onn passà en media a minus 0,7%. Il 2019 era ella anc tar plus 0,4%, scriva l’uffizi vinavant.

audio
Per tadlar: Las novitads da las 12:00
05:19 min, RTR Audio dals 05.01.2021.
laschar ir. Durada: 05:19 minutas.

RTR novitads 10:00

Artitgels legids il pli savens

Scrollar a sanestra Scrollar a dretga