Siglir tar il cuntegn

Header

video
Far surfing sin il flum a Thun
Or da Giuventetgna dals 30.07.2020.
laschar ir. Durada: 4 minutas 49 Secundas.
cuntegn

Prevenziun Attenziun – privel da najar

Il privel da najar è quest onn cler pli aut ch'ils onns avant. Quai ha communitgà la Societad svizra da salvament SLRG. Damai che blers bogns averts hajan anc restricziuns da corona, giajan anc dapli persunas a nudar en lais u flums.

Questas plazzas da bogn nunsurvegliadas èn dentant privlusas! Adina puspè capitan accidents, per part era mortals. Sulet quest onn èn gia najadas 20 persunas - 11 da quellas en flums ed 8 en lais.

Reto Abächerli da la SLRG di, che la gronda part da quests accidents fissan stads evitabels:

Sche tut las persunas sa tegnessan vi da las reglas da nudar, pudess ins minimar considerablamain il ristg da najar.
Autur: Reto Abächerligestiunari SLRG SSS

Ils giuvens sco gruppa da ristg

Era la gruppa da ristg è clera: «Umens giuvens tranter 15 e 29 onns cun plaschair da ristgar insatge èn spezialmain periclitads. Questa gruppa mussa gia en normals onns ils pli blers mortoris da najar», di Reto Abächerli. Dapli che 80% dals disgraziads en questa vegliadetgna èn umens.Autor:

Statistica da las persunas najadas da l'onn 2019


laisflumsauterTOTAL
umens1819239
dunnas52-7
uffants12-3
TOTAL2423249

31.12.2019, funtauna: SLRG SSS

Savair nudar n'è betg tut

Abächerli declera, che blers survaliteschian ils privels da las auas. Perquai che las persunas pensan ch'els sappian nudar bain, na resguardan ellas betg las reglas.

Las bleras persunas che najan san nudar bain.
Autur: Reto Abächerligestiunari SLRG SSS

Pli decisiv saja, ch'ins enconuschia las auas e ch'ins sappia valitar ils privels e sasez, declera Abächerli.

Perquai, exnum resguardar las reglas per nudar segir:

reglas da bagnar
Legenda: RTR Grafica

RTR Social

Artitgels legids il pli savens