La turitgais Illuska Grass vegn undrada quest onn cun il «Prix Courage». Avant quatter onns aveva la dunna da 28 onns protegì in gidieu ortodox envers neonazis. Ina sonda saira a Turitg al Manesseplatz aveva ella reagì sin ils cloms d'in gidieu ch'è vegnì attatgà da plirs neonazis.
La dunna ha sin a quai sa mess tranter ils radicals da la dretga. Ella n'haja betg studegià, mabain simplamain reagì, ha ditg Grass. Il delinquent principal è pervia da l'agir da Grass vegnì avant dretgira e sentenzià ad ina paina da praschun.
Carla del Ponte survegn premi per sia ovra da vita
Il «Prix Courage Lifetime Award» è vegnì surdà quest onn a Carla del Ponte per sia ovra da vita. L'anteriura procuratura publica generala svizra e persequitadra penala Carla del Ponte haja senza pigliar resguard sin sasezza Del Ponte persequità malfacturs, per che las unfrendas survegnian giustia.
Ord l'archiv
RR novitads 20:00