La citad da velo svizra è per la quarta giada Burgdorf en il chantun Berna. Quai annunzia l'organisaziun Pro Velo. Sin plaz dus suonda Zuchwil ed il plaz trais vegn partì si tranter Winterthur e Turitg.
Gronds progress cumpareglià cun la davosa retschertga il 2017 hajan fatg las citads da la Svizra Franzosa, quai cun Friburg, Genevra e Losanna.
Il davos plaz da la rangaziun partan Turitg e Sion, quai tar las citads grondas e mesaunas. Il sulet lieu grischun, la citad da Cuira, ha pers puncts en la rangaziun da la Pro Velo. En la ragnaziun totala ruschna Cuira uschia sin plaz 20. Il 2017 è la chapitala grischuna anc stada sin plaz 2 da tuttas citads svizras.
Dapi l'atun passà eran radund 16'000 ciclistas e ciclists sa participads a la retschertga online.
