Siglir tar il cuntegn
Inhalt

Svizra Process Rupperswil: Procura vul chasti maximal

En l’uschenumnà «Cas da Rupperswil» pretenda la procura publica il chasti maximal per l’accusà, pia: praschun ed internament a vita duranta. Tenor la procura publica sajan las premissas per questas mesiras dadas.

dissegn che mussa in process avant la dretgira
Legenda: La dretgira a Rupperswil ha tadlà oz la procura publica. Keystone

La procuratura publica pretenda in internament a vita duranta, malgrà ch'ina premissa impurtanta per quai n'è betg dada. La lescha pretenda numnadamain che duas expertisas psicologicas ston constattar independentamain che l'accusà n'è betg da terapar. Quai n'han ils dus experts ier dentant betg fatg.

Tar dumondas suenter disturbis psichics en connex cun il delict han ils dus experts dentant en plirs puncts auters mainis.

Suenter la procura publica pon era ils represchentants da las autras partidas dar enconuschent lur dumondas da chasti e lur pretensiuns davart indemnisaziuns. Lura pledescha la defensura d'uffizi per l'um accusà.

L'um da 34 onns ha dà tiers d'avair mazzà quatter persunas il december 2015. La sentenzia vegn spetgada il venderdi.

RR novitads 11:00