Siglir tar il cuntegn

Header

cuntegn

Prognosa per 2023 Premias da las cassas da malsauns s'augmentan puspè

Quest onn è para stà in'excepziun – las premias per las cassas da malsauns èn gea sa reducidas. L'onn proxim èsi da quintar che las premias s'augmentan puspè. Quant fitg n'è dentant anc betg cler.

La raschun saja ch'ils custs s'augmentian en il sectur da sanadad, ha explitgà l'Uffizi federal da sanadad avant las medias a Berna. Il 2021 saja resultà in augment dals custs da passa 5% e quai surtut causa la pandemia da Covid-19: Durant plirs mais dal 2020 aveva il Cussegl federal scusseglià da far operaziuns e tractaments betg urgents – quels èn lura vegnids spustads sin quest onn.

Nus stuain far tut per quietar il svilup.
Autur: Thomas Christen Vicedirectur da l'Uffizi federal da sanadad (BAG)

La politica stoppia prender mesiras per franar ils custs, appellescha il BAG. Ma era l'atgna responsabladad saja impurtanta: Las pazientas ed ils pazients duain be laschar far quai che saja necessari.

audio
Thomas Christen: «Ils custs da sanadad èn creschids considerablamain»
aus RTR Audio vom 12.04.2022.
abspielen. Laufzeit 18 Sekunden.

RTR novitads 15:00

Artitgels legids il pli savens

Scrollar a sanestra Scrollar a dretga