Da prolungar l’interval tranter las duas vaccinaziuns cunter corona accelerass la campagna da vaccinar en Svizra. Quai scriva la taskforce da la Confederaziun. Sch’ins dettia la segunda dosa pir suenter sis emnas enstagl da quatter, pudessan dapli persunas vegnir protegidas pli spert cunter il coronavirus cun in'emprima dosa.
Vegnian las persunas vaccinadas in mais pli spert, correspundia quai ad in gudogn social total da 1,5 milliardas francs – stima la taskforce.
