Protecziun da datas - Comité fa referendum cunter SwissCovid-App - Novitads

Protecziun da datas Comité fa referendum cunter SwissCovid-App

Il suveran svizzer duai decider a l'urna davart la SwissCovid-App. Ina gruppaziun, che è per gronda part da la Svizra franzosa, ha lantschà il referendum cunter la basa legala da l'app.

Autur: SDA / Urs Müller

L'applicaziun è dentant gia en funcziun ed er la lescha correspundenta è gia entrada en vigur. Il parlament aveva declerà quella sco «urgenta». Tuttina vul il comité dal referendum stritgar la basa legala. El crititgescha ch’ils ristgs da la tecnologia na sajan betg vegnids discutads. Ella tema ina «dictatura digitala».

Enfin ils 8 d'october ha il comité uss temp da ramassar las 50'000 suttascripziuns necessarias per il referendum. Part dal comité è tranter auters il cusseglier naziunal dal Valais Jean-Luc Addor (PPS).