Bruno Rohner era dapi il 2015 responsabel per il manaschi. Fin ch'in successur u successura è vegnì tschernì, surpiglia Tobias Ebinger la gestiun.
La primavaira passada aveva Publibike lantschà en la citad da Berna in sistem d'emprestar velos. La finamira da «Publibike» era da reducir il traffic en la citad. Paucs dis suenter ch'il project è vegnì lantschà era sa mussà, ch'i saja fitg simpel d'avrir ils velos senza pajar. Quai tric è en curt temp vegnì fatg public, uschia che la firma ha stuì retrair ils velos e far pli segir els. Problems cun la tecnica e cifras cotschnas han procurà per ulteriuras novitads negativas.
Publibike, ina societad affiliada da la Postauto, maina en l'entira Svizra 350 staziuns e 3'500 velos ed e-bikes en nov citads.
RR novitads 14:00