Siglir tar il cuntegn

Header

cuntegn

Radunanza da delegads Balthasar Glättli: Program d'impuls verd e social

Ils Verds han decidì las parolas per las votaziuns federalas dals 29 da november. A l'iniziativa per interpresas responsablas e per l'iniziativa da scumond da finanziar producents da material da guerra recumondan ils Verds duas giadas GEA

La partida Verda svizra fa sia radunanza da delegadas e delegads en il spazi virtual. Il president da partida, Balthasar Glättli pretenda che la segunda unda da corona vegnia mitigiada socialmain. I na dastgia betg esser ch'i dettia anc ina giada 1,88 milliardas francs senza transfurmaziun da clima lianta, specificamain per la branscha aviatica, uschia Glättli. El propona perquai in program d'impuls verd e social.

Daners per scolaziun e sustegn per famiglias

Cun in'offensiva da perfecziunament professiunal vulan ils Verds porscher maun a persunas en transfurmaziun. Actualmain sajan var 150'000 persunas senza lavur. Quellas persunas stoppian ins sustegnair cun perfecziunament e rescolaziun. Tenor il Verds duess il Cussegl federal metter a disposiziun 500 milliuns francs per quest program da furmaziun.

Sco terz pretendan ils Verds ina offensiva da care-of en l'autezza da mintgamai ina milliarda francs per la sparta da tgira e la tgira d'uffants.

audio
Novitads da las 12:00
ord Novitads dals 24.10.2020. Maletg: RTR
laschar ir. Durada: 5 minutas 13 Secundas.

RTR Novitads 12:00

Artitgels legids il pli savens