En Svizra duai il temp da lavur vegnir reducì. Quai pretendan las delegadas e delegads dal sindicat Unia. A lur radunanza a Berna han els approvà ina resoluziun. Els vulan ina «reducziun massiva» dal temp da lavur cun ina gulivaziun da la paja cumplaina per persunas cun pitschnas entradas u entradas medias.
En Svizra lavurian ins en media 41,7 uras a l’emna. Quai saja uschè bler sco nagliur auter en l’Europa. E quai chaschunia dapli malsognas e absenzas da la lavur pervi dal stress.
Plinavant vul l'Unia cumbatter in auzament da la vegliadetgna da renta cun in referendum. Els vulan era sa partizipar al di d'acziun dals 9 d'avrigl 2022 da l'allianza «Strike for Future».
audio
Per tadlar: Las novitads da las 15:00
ord RTR Audio dals 04.12.2021.
laschar ir. Durada: 2 minutas 25 Secundas.
