Las universitads svizras tutgan vinavant tar las meglras da quest mund. Quai mussa la valitaziun annuala da l’interpresa da cussegliaziun britannica QS. Omaduas Scolas politecnicas federalas a Turitg e Losanna èn puspè sa classadas a la testa da la rangaziun: l'ETH Turitg sin posiziun 6, l'ETH Losanna sin posiziun 14.
Tranter las meglras 1000 universitads mundialas sa chattan en tut 10 universitads svizras. Dasper Turitg, Genevra, Berna, Basilea er per l’emprima giada la «Università della Svizzera Italiana» a Lugano.
Universitads americanas a la testa
Sin ils emprims quatter plazs sa chattan las universitads americanas Massachusetts Institute of Technologie (MIT), la Stanford University, la Harvard University ed il California Institute of Technology suandà da la University of Oxford da la Gronda Britannia.