Siglir tar il cuntegn

Header

cuntegn

Rapport final Task force Covid-19 cun «grond spectrum d'expertisa»

Dus onns suenter che la pandemia da corona è rutta ora tira la task force scientifica da Covid-19, che vegn schliada la fin dal mais, in emprim facit.

La collavuraziun tranter la scienza e la politica saja s'etablida, scriva la task force en ses rapport final. En congual cun gruppas sumegliantas en auters pajais saja la task force svizra stada represchentada cun in «spectrum vast d'axpertisa». Suenter ina partenza zoppegianta hajan ils divers gremis collavurà stretg e constructiv. Quella haja contribuì ad in barat spert ed effizient – naziunal sco internaziunal.

Bain saja la fasa acuta da la crisa passada il mument, la pandemia na saja dentant anc betg a fin, hai num en il rapport. Per il futur propona la task force da reglar en in rom la collavuraziun da scienza e politica.

RTR novitads 08:00

Artitgels legids il pli savens

Scrollar a sanestra Scrollar a dretga