Siglir tar il cuntegn

Header

cuntegn

Razzia cunter mafia calabresa 75 persunas arrestadas en Svizra ed Italia

La Svizra e l’Italia han fatg ensemen ina razzia cunter l’organisaziun da la mafia da la Calabria N’drangheta. Quai ha communitgà la Procura publica federala. Radund 700 policists sajan stads en acziun. 75 persunas sajan vegnidas arrestadas, da quai 74 en l'Italia ed ina en Svizra. La polizia haja perquirì chasadas en ils chantuns Argovia, Soloturn, Zug e Tessin. L'arrestaziun en Svizra saja succedida en l'Argovia. La polizia haja tranter auter confiscà armas, muniziun e daners bluts.

Las persunas arrestadas derivan da la regiun Lamezia Terme e da la provinza Vibo Valentia. Ellas han para traffitgà cun drogas, lavà daners e commess ulteriurs delicts. Las autoritads discurran en quest connex da criminalitad organisada. Tenor la Polizia federala è l’operaziun anc en acziun. L’agentura da novitads Ansa rapporta da rauba confiscada d’ina valur da bunamain 170 milliuns euros.

RTR novitads 10:00

Artitgels legids il pli savens

Scrollar a sanestra Scrollar a dretga