En ina campagna da l’Uffizi federal da sanada en la televisiun manca il rumantsch. Il Cusseglier naziunal Martin Candinas ha lura dumandà al Cussegl federal, pertge che l'Uffizi federal da sanadad BAG n’ha betg resguardà il rumantsch tar las campagnas. La lescha da lingua en Svizra pretendia numnadamain, ch’infurmaziuns impurtantas ston er esser per rumantsch. Vinavant ha el vulì savair cura e sche quai sa mida.
La resposta dal Cussegl federal na satisfa betg
Il Cussegl federal argumentescha ch'i saja impurtant ch'er il rumantsch vegnia resguardà moda adequata tar las campagnas. En ina versiun lunga dal spot da reclama actual saja er en in citat rumantsch. Per la televisiun saja il sport dentant stà memia lung. La decisiun dals citats saja vegnida tratga «ord motivs epidemiologics».
Quella resposta na satisfa betg a la Lia Rumantscha, sco ch'els scrivan oz en ina communicaziun. I saja inacceptabel, che la regenza gnanc entria sin la dumonda da la lescha da linguas contestada da l'interpellant.
