38 persunas da la scola da recruta da stad èn en isolaziun suenter in test positiv sin corona. Ils 38 tests positivs correspundian ad ina cumpart da 0,3% dals recruts e da las recrutas, scriva l'armada. Vinavant sajan 73 persunas en ina quarantina da 10 dis. Ellas hajan gì contact stretg cun las persunas testadas positivas.
Vitiers na sajan pliras persunas cun sintoms ensumma betg entradas en servetsch. Bunamain 12'000 persunas a l'armada svizra laschà testar sin il coronavirus cura che la scola da recruta a cumenzà. Ils tests èn succedids aifer 48 uras suenter entrar en servetsch.
