L'Autoritad independenta da recurs davart radio e televisiun, la UBI – ha survegnì 30 novas reclamaziuns l’onn passà. Per gronda part areguard rapports en connex cun corona. Sco l’UBI scriva en ses rapport, haja ella survegnì il 2021 in zic pli paucas reclamaziuns che l’onn avant – ma anc adina dapli ch’en la media sur plirs onns.
Passa la mesadad dals cas pertutgava emissiuns da televisiun. Per l'emprima giada hai dà reclamaziuns pervia da cuntegn da la SSR sin il medium social Instagram.
En tut ha l'Autoritad independenta da recurs davart radio e televisiun terminà l'onn passà 37 proceduras. Tar sis proceduras, tschintg da las qualas han pertutgà il program da la SSR, è la UBI vegnida a la conclusiun ch'il princip d'objectivitad sajà vegnì violà.