Cun la pandemia da corona è il traffic public en Svizra sa reducì sin bunamain la mesadad. Il terz quartal dal 2020 èn uschia vegnids registrads 44% damain kilometers da persunas, cumpareglià cun il medem temp da l'onn avant. Tutgà fermamain hai surtut il traffic a lunga distanza cun ina reducziun sin 50% ed il traffic regiunal sin 60%. Il traffic da vitgira sin binaris è percunter creschì per 1,3%. Quai scriva il servetsch da communicaziun dal traffic public, Litra.
L'augment dals cas da Covid-19 e las restricziuns e cussegliaziuns en connex cun la pandemia – sco scumonds dad occurenzas, serrar ustarias pli baud e la recumandaziun da homeoffice – hajan manà a quai, ch'il dumber da persunas èn il traffic public saja sa reducì.
Er per il 2021 quinta Litra che la pandemia da corona vegn ad avair ina gronda influenza sin il traffic public. Cunzunt l'obligatori da homeoffice ch'i dat dapi ils 18 da schaner vegnia ad influenzar la dumonda per traffic da pendularis e traffic da persunas sin rodaglias fermamain.
