Siglir tar il cuntegn

Header

cuntegn

Relaziun cun l'UE Nova vusch per cunvegna da basa

En la discussiun davart la cunvegna da basa dispitaivla cun l’Uniun europeica datti in nov moviment en Svizra: Ier saira è la homepage da «Progresuisse» ida online. Quest moviment s’engascha per la cunvegna cun l’UE. Tenor atgnas indicaziuns vul «Progresuisse» en ina fasa critica animar ad ina debatta substanziala e constructiva davart la muntada d'ina cunvegna da basa cun l'UE. La via bilaterala saja la meglra opziun per la Svizra. Nagina cunvegna da basa na saja betg in'opziun. Il moviment veglia esser la vusch da las forzas constructivas.

Commembers prominents

Dals commembers da «Progresuisse» sa tracti da numerus politichers activs ed anteriurs – tranter auter fan er ils dus anteriurs cussegliers federals da la PCD Joseph Deiss e Doris Leuthard part dal nov moviment. En pli vegnan numnads ils recturs da las universitads da Turitg, Berna e Son Gagl sco er ulteriuras represchentantas e represchentants da la politica e da la scienza.

Ord l'archiv

video
Partenaris socials din na a cunvegna da basa
Or da Tagesschau dals 25.09.2020.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga