Sch'il dossier restia fitgà, ristgia la Svizra da perder ina part da las concessiuns, ha ditg de Watteville en in intervista cun las gasettas «La Tribune de Genève» e «24Heures». Fin la fin d'october e la retratga da Jean-Claude Juncker dettia ina «fanestra da la chaschun».
Il resultat da las tractativas è in cumpromiss. Il Cussegl federal ha cuntanschì l'essenzial ch'el ha vulì.
Il Cussegl federal pretenda contractivas supplementaras cun Brüssel, tranter auter en chaussa protecziun da pajas. L'UE da sia vart smanatscha da betg pli prolungar l'equivalenza da la bursa. Quella scada la fin da zercladur.
RR novitads 11:00