Siglir tar il cuntegn

Header

cuntegn

Relaziuns UE-Svizra Parlament europeic pretenda dapli fidanza d'omaduas varts

Il parlament europeic ha approvà oz in rapport davart la Svizra. Quel descriva la situaziun ord la vista da l'Uniun Europeica. Quai èn ils puncts principals:

  • Cun dapli fidanza d'omaduas varts possian las relaziuns vegnir meglras.
  • Il parlament fa quitads ch'i manca ina cunvegna d'electricitad. Quai dettia ristgs per la rait d'electricitad europeica.
  • Davart Horizon Europe pretenda el ina schliaziun temporara. Da quai profiteschian tuttas varts.
  • Ina circulaziun libra da persunas senza problems na dettia en il mument betg. L'UE haja dentant chapientscha per il cumbat da la Svizra cunter cundiziuns da lavurar abusivas.
  • Il parlament giavischas la participaziun da la Svizra tar la taskforce dals G7 per confiscar facultads russas, lauda dentant la collavuraziun en connex cun la guerra en l'Ucraina.

Il parlament pretenda ina cunvegna fin l'auter atun. Las deputadas ed ils deputads europeics deploreschan ch'il Cussegl federal decida pir la fin da l'onn davart in mandat da contractivas.

audio
Per tadlar: curt e cumpact
ord RTR Audio dals 04.10.2023.
laschar ir. Durada: 1 minuta 7 Secundas.

RTR novitads 14:00

Artitgels legids il pli savens