Il Cussegl federal refusa l’uschènumnada «iniziativa per la responsabladad envers l’ambient». L’iniziativa dals Giuvens Verds pretenda in nov artitgel da la constituziun, tenor quel avess la protecziun da l’ambient prioritad absoluta.
Tenor il Cussegl federal dettia gia uss avunda disposiziuns per l’ambient aifer la constituziun. Plinavant avess l’iniziativa implicaziuns gravantas per la libertad da decider dad in e scadin.
La finamira da l’iniziativa da la responsabladad envers l’ambient è da reducir la polluziun da l’ambient ils proxims 10 onns. La Svizra duai be anc duvrar uschè bleras resursas ed emetter uschè bleras substanzas nuschaivlas sco la natira po cumportar.
