Siglir tar il cuntegn

Header

cuntegn

Resultat emprim semester Nestlé cun dapli svieuta, ma damain gudogn

Il concern da mangiativas Nestlé ha nudà 8,1 pertschient dapli svieuta ils emprims sis mais da l’onn. Da quai hajan ins realisà 6,5 pertschient cun dar vinavant ils custs creschents a la clientella, scriva Nestlé. Tuttina haja quella cuntinuà a cumprar lur products.

Sut il stritg ha il pli grond producent da mangiativas fatg in gudogn da 5 milliardas francs l’emprim semester, quai è in minus da 12 pertschient cumpareglià cun la medema perioda da l’onn passà. Quai tranter auter pervi da las taglias.

Sin basa da quest resultat ha Nestlé augmentà las spetgas per l’entir onn da gestiun. Da nov quinta il concern cun in augment da la svieuta da 6 ed 8 pertschient, fin uss era la prognosa tar 5 pertschient.

RTR novitads 10:00

Artitgels legids il pli savens