L’energia nucleara ha in grond sustegn en Svizra. Tenor ina retschertga da l’institut da perscrutaziun Sotomo per incumbensa da la gasetta Blick èn 55% da las persunas dumandadas da l’avis che las ovras atomaras sajan impurtantas per surmuntar la mancanza d’energia. 64% na veglian betg u plitost betg che las ovras atomaras vegnian stizzads fin il 2037 – sco ch’ils Verds pretendan. 56% dals dumandads sajan persuenter da construir tant pli spert novas ovras atomaras per garantir il provediment d’energia. Co 49% èn da l'opiniun ch'il stadi duess subvenziunar gestiunaris d'ovras atomaras – 51% èn cunter subvenziuns.
Grond sustegn per energia solara
In grond sustegn datti dentant per ovras solaras per far frunt a la mancanza d'energia. 69% han inditgà ch'els ed ellas sajan per in obligatori per installaziuns solaras sin edifizis d'abitar. En Svizra franzosa èn quai schizunt 87%.
Fatg part da la retschertga represchentativa han 9'000 persunas cun dretg da votar da la Svizra tudestga e franzosa.