Siglir tar il cuntegn

Header

cuntegn

Retschertga online Svizra turna plaunet a la normalitad

La populaziun sustegna il tempo e las schluccadas da las mesiras tras il Cussegl federal. Quai mussa la quarta retschertga che la SRG SSR ha laschà far l'institut Sotomo.

Per 27% èsi ì memia spert, per 28 memia plaun. 45% chattan quai gist en urden. Plitost plaun èsi per la populaziun ì en ils secturs scola ed ustaria. Plitost memia spert èsi ì tar bars/clubs e demonstraziuns.

En tge sectur èsi ì memia svelt, nua memia plaun?
Legenda: En tge sectur èsi ì memia svelt, nua memia plaun? Grafica RTR

La prontadad d'avrir ils cunfins vegn surtut valità sco gist. Trais quarts èn da l'avis ch'igl è dretg ch'il Cussegl federal ha laschà far las associaziuns professiunalas ils concepts da protecziun.

Obligaziun da purtar mascra

Sch'i va per in obligatori da purtar mascras en spazi public è ina gronda part da la populaziun encunter. Dapi l'avrigl è l'opposizun da purtar mascras en butias s'augmentada da 53 sin 63%.

E be 30% dals dumandads èn per in obligatori general da purtar mascras en il traffic public. Ulteriurs 20% sustegnan ina obligaziun punctuala da purtar mascras.

Adina dapli èn cunter il obligatori da purtar mascras durant far cumissiuns.
Legenda: Adina dapli èn cunter il obligatori da purtar mascras durant far cumissiuns. Grafica RTR

La segund'unda

Avant in mais era anc passa la mesadad dals dumandads da l'opiniun ch'i vegnia tar in augment d'infecziuns tras las schluccadas. Actualmain quinta be pli in quart da la populaziun cun in augment da cas da corona durant las emnas proximas.

Las davosas emnas è il dumber d'infectads sa reducì.
Legenda: Las davosas emnas è il dumber d'infectads sa reducì. Grafica RTR

Tge sa mida suenter la crisa da corona?

Mintga segund vul er suenter la pandemia desister da dar il maun e bitschins da bainvegni. Quai vala en spezial per la Svizra latina. Prest in terz vulan er en futur viagiar pli pauc en l'exteriur e visitar pli paucas occurrenzas.

Sch'i va per las consequenzas permanentas da la pandemia da corona, vesan passa 40% in effect positiv per il clima, bunamain tuttina blers èn da l'opiniun che la crisa ha dà in stausch a la digitalisaziun.

La retschertga

Textbox aufklappenTextbox zuklappen

Per questa quarta retschertga ha la SRG SSR incumbensà l'institut da perscrutaziun Sotomo. La retschertga è vegnida fatga dals 5 fin ils 8 da zercladur en tuttas parts dal pajais. Igl èn vegnids resquardads ils questiunaris online da 31'011 persunas. La quota da sbagls munta a +/- 1,1 puncts procentuals.

RTR novitads 17:00

Artitgels legids il pli savens

Ir a sanester Ir a dretg