Siglir tar il cuntegn

Header

video
Normalitad turna – tema da perder plazza crescha
Or da Telesguard dals 12.06.2020.
laschar ir. Durada: 1 minuta 4 Secundas.
cuntegn

Retschertga online Tema da perder plazza da lavur

Malgrà che la vita sa normalisescha plaunet puspè suenter il lockdown, fan adina dapli persunas quitads per lur plazza da lavur.

20% da las emploiadas ed emploiads vesan lur plazza da lavur en la situaziun actuala sco betg segira. L'avrigl eran quai be 12%.

La tema da perder la plazza da lavur è creschida fermamain dapi il cumenzament dal monitoring. Han il mars 21% da las persunas activas temì da perder la plazza da lavur, èn quai uss gia 31%.

Diagram cun differentas lingias. La tema crescha
Legenda: Tge persunas teman per lur plazzas? Grafica RTR

Plazzas intschertas e relaschadas spetgadas sa chattan savens surtut en ils secturs da turissem, restauraziun ed hotellaria, sco era en il sectur dad art e cultura. Qua èn var 40% da las plazzas pertutgadas.

Ma er plazzas en secturs che n'èn betg pertutgads directamain da la pandemia ed il lockdown èn periclitadas. Uschia er collavuraturs da medias u da las spartas creaziun e communicaziun.

audio
Normalitad turna – tema da perder plazza crescha
ord Actualitad dals 12.06.2020.
laschar ir. Durada: 4 minutas 4 Secundas.

Remartgabel è oravant tut il ferm augment da persunas en lavur curta. Pli ditg che la situaziun cuntinuescha, mendra che la perspectiva dad in di returnar en relaziuns da lavur normalas è.

Vinavant drastic è la situaziun dals independents. Malgrà schluccadas vastas èn 20% dad els confruntads cun in deficit cumplain. Ulteriurs 37% han pli pauca lavur ch'anc avant la crisa.

La retschertga

Avrir la box Serrar la box

Per questa quarta retschertga ha la SRG SSR incumbensà l'institut da perscrutaziun Sotomo. La retschertga è vegnida fatga dals 5 fin ils 8 da zercladur en tuttas parts dal pajais. Igl èn vegnids resquardads ils questiunaris online da 31'011 persunas. La quota da sbagls munta a +/- 1,1 puncts procentuals.

RTR novitads 17:00

Artitgels legids il pli savens